Yangon

Today

76.6 F (24.8 C)

Tomorrow

76.6 F (24.8 C)

Editor's Choice

မြန်မာတက္ကသိုလ်တွေမှာ ချိတ်ဆက်နေတဲ့ e-Library ကို ဘယ်လိုသုံးမလဲ

Posted by: Kamayut MEDIA Video-editer on February 24, 2015 at 13:39 PM

ရန်ကုန်နဲ့မန္တလေးတက္ကသိုလ်မှာ စတင်အကောင်အထည်ဖော်ခဲ့တဲ့Electronic Information for Library -EIFL လို့နာမည်ပေးထားတဲ့ အီလက်ထရောနစ်စာကြည့်တိုက်ကို အသုံးပြုပုံ အသုံးဝင်ပုံအကြောင်း ဖေဖော်ဝါရီ ၂၃ရက်နေ့က ရန်ကုန်တက္ကသိုလ်မှာ မိတ်ဆက်ရှင်းလင်းခဲ့ပါတယ်။ အွန်လိုင်းသုံး စာကြည့်တိုက်ကို ဘယ်ကျောင်းတွေမှာ ချိတ်ဆက်ဦးမလဲ။

Open Society Institute ရဲ့ ဘဏ္ဍာငွေထောက်ပံ့မှုနဲ့ နိုင်ငံတကာက e-Book, e-Journal တွေကို ငွေကြေးပေးစရာမလိုဘဲ ဖတ်ရှုနိုင်တဲ့ EIFLစနစ်ကို ဆောင်ရွက်လည်ပတ်နေတဲ့အကြောင်း မိတ်ဆက်ရှင်းလင်းပွဲမှာတော့ ဒဂုံတက္ကသိုလ်၊ ရတနာပုံနဲ့ စီးပွားရေးတက္ကသိုလ်တွေမှာ အကောင်အထည်ဖော်နေသလို အရှေ့ပိုင်းနဲ့ အနောက်ပိုင်းတက္ကသိုလ်တွေမှာလည်း ဒီစနစ်နဲ့ ချိတ်ဆက်ဖို့ ညှိနှိုင်းနေဆဲဖြစ်တယ်လို့ ရှင်းပြပါတယ်။

သုံးရက်ကြာဆွေးနွေးမယ့် ဒီညီလာခံပထမနေ့မှာတော့ Open Accessဆိုတဲ့အတိုင်း အွန်လိုင်းမှာ အခမဲ့ရတဲ့ ဆောင်းပါး၊ စာအုပ်တွေကို Downloadယူပြီးသင်ကြားရေး သင်ယူရေးအတွက် စာတမ်းရေးသားတဲ့ သုတေသနအတွက် အသုံးပြုပုံတွေကို ရှင်းလင်းခဲ့ပါတယ်။

ဒီညီလာခံကို ရန်ကုန်တက္ကသိုလ်၊ ရန်ကုန်စီးပွားရေးတက္ကသိုလ်အပါအဝင် တက္ကသိုလ် ၁ဝခုက စာကြည့်တိုက်မှူးတွေ၊ အမျိုးသားစာကြည့်တိုက်က တာဝန်ရှိသူတွေပါ တက်ရောက်ခဲ့ကြပါတယ်။ တက္ကသိုလ်နယ်ပယ်သာမက အခြားနယ်ပယ်တွေနဲ့ ပူးပေါင်းချိတ်ဆက်လုပ်တာမို့ e-Library ဟာ သုတေသနလုပ်ဖို့အပြင် သင်ရိုးညွှန်းတမ်း ဖွံ့ဖြိုးရေးအတွက်ပါ အကျိုးရှိတယ်လို့ ဆိုလာသူက ဒေါက်တာလှိုင်လှိုင်ကြီးက ဆိုပါတယ်။

comments powered by Disqus